Двајца мажи кои престојувале во камп за бездомници во регионот на американскиот град Сан Франциско беа хоспитализирани овој викенд, откако полицијата откри дека биле нападнати со стрели, настан кој го смета за обид за убиство, пренесе Си-Ен-Ен.

Полицијата откри дека стрелите биле упатени кон двајца мажи и една жена, додека престојувале во кампот за бездомници во близина на Сан Франциско. Над двајцата се извршени хирушки зафати и се во стабилна состојба.

Осомничениот им е познат на жртвите, но се уште не е идентификуван. Тој ќе се соочи со двоен обид за убиство.

Сан Франциско е едно од многуте места во САД кое се соочува со значително зголемена бројка на бездомници поради растечките цени за изнајмување на станови, недостаток на здравствени сервиси, криза со опоиди и многу други фактори.

Минатата година, градоначалникот на Сан Франциско, Лондон Брид, најави директен план со цена од 181 милиони долари за решавање на проблемот со бездомниците.