Најголеми заштеди на греење и штедливи светилки
И со овие цени на енергијата, европските домаќинства можат годишно да заштедат од 650 до 1.800 евра благодарение на енергетското означување на уредите, објави Европската организација на потрошувачи (БЕУЦ). Најголема заштеда, велат, се постигнува на парното и сијалиците кои станале поекономични. Заштедите на апарати како што се фрижидери, телевизори и машини за перење сочинуваат 15 проценти од годишните заштеди. Според БЕУЦ, правилата на ЕУ за енергетска ефикасност, познати како еко-дизајн, помагаат да се заштитат потрошувачите од вртоглаво поскапување на енергијата при користење на домашни апарати. Инаку, истражувањата покажаа дека минатата година биле постигнати големи заштеди, поради што е одлучено да се ажурираат постоечките правила. Затоа БЕУЦ ја повика Европската комисија да одвои доволно пари за ново продолжување на правилата кои обезбедуваат енергетска ефикасност. Првиот извршен потпретседател на Европската комисија, Франс Тимерманс, рече дека на сите ни се познати етикетите за енергетска ефикасност на фрижидерите, машините за перење и сушење алишта. Бидејќи цените на енергијата се очекува да останат далеку над нивото од пред кризата, еко-дизајнот може да им помогне на потрошувачите да заштедат во просек околу 1.000 евра секоја година, објави Политика рс.