Најголемата трагедија во животот на Лепа Брена: Од тој ден, веќе ништо не било исто
Лепа Брена беше на врвот на регионалната музичка естрада во 2000 година. Нејзиниот гардеробер беше полн со брендирани парчиња облека, нејзините албуми се продаваа во милионски тиражи, имаше армија од обожаватели, се продаваа кукли со нејзиниот лик и, најважно од сѐ, имаше сопруг кој неизмерно ја сака и поддржува.
И еден ден ѝ се сруши сѐ. Таа и нејзиниот сопруг Слободан Живојиновиќ добија порака од која се заледува крвта, пишува „Стил“.
„Господине и госпоѓо Живојиновиќ, вашиот син Стефан е со нас. Ќе се однесуваме хумано со него, сѐ додека и вие сте коректни со нас. Нема да му фали влакно од главата“, гласела првата порака на киднаперите кои го киднапираа нивниот постар син, Стефан.
View this post on Instagram
Кога била млада, некоја гатачка ѝ предвидела дека ќе доживее поголема популарност и од онаа на Јосип Броз Тито. Тогаш, младата Фахрета Јахиќ (вистинското име на Лепа Брена) не можела ни да претпостави дека тоа предвидување ќе стане вистина, но и дека поради нејзината популарност ќе стане мета на криминалци.
По таа порака, веќе ништо не било исто. Во нивниот семеен дом се случил апсолутен крах – завладеала неизвесност и тага. Тие внимателно ги очекувале сите насоки од страна на киднаперите, со цел што побргу нивниот син да се врати дома.
View this post on Instagram
Цели пет дена, Брена и Боба не знаеле ништо за нивниот син. И тогаш пристигнала втората порака.
„Ни јавија дека можеме да го откупиме на два начина. Жив за два и пол милиони тогашни германски марки или мртов за 5 милиони. Ни рекоа дека доколку ја прифатиме втората можност, тие ќе ни го испраќаат Стефан дел по дел“, изјави неодамна Брена за „24 часа“.
View this post on Instagram
Ги предупредиле да не ја известуваат полицијата и да ги соберат парите за два дена. Им нагласиле да не го одложуваат плаќањето. Им се заканиле дека за секој задоцнет ден, на раката на Стефан ќе има по еден прст помалку, а ако не одговорат за десет дена – момчето ќе биде мртво.
Тие не губеле многу време, веднаш ги собрале парите и си го зеле Стефан жив и здрав.
View this post on Instagram
На Брена сè уште не ѝ е јасно како до ден-денес не е откриено кој им го создал најлошиот кошмар во животот.
„Сите киднапирања беа откриени, но не беше откриено кој му го направи тоа на моето дете. После тоа веќе од ништо не се плашам. Се разбира, денес имам обезбедување, тоа се професионални луѓе кои не се гледаат, но тие точно знаат што треба да прават“, рече таа.
Брена не сакала да зборува за тоа на кој начин ѝ го вратиле синот, но оваа ужасна ситуација оставила голема трага врз нивните животи.
ФОТО | Лепа Брена одговори на критиките за новогодишниот фустан
