Тренерот на Баерн Минхен, Јулијан Нагелсман во второто полувреме од дуелот со Барселона во ЛШ сакаше да направи двојна измена, но на крајот мораше да се задоволи само со една.

Тој од клупата за резервни играчи ги повика Серж Гнабри и Кингсли Коман планирајќи да ги внесе во игра на местото на Џамал Мусиала и Лерој Сане, но во тие моменти на клупата беше само еден играч.

Нагелсман во прв момент помисли дека Коман се повредил при загревањето и се вратил во соблекувалната, но подоцна беше откриено дека фудбалерот на Баерн ја напуштил клупата поради други причини.

– Кингсли имаше проблем со желудникот во моментите кога требаше да влезе во игра. Затоа моравме да се стрпиме со измената, Коман беше во тоалет. Кога се врати, го внесовме во игра – изјави Нагелсман по натпреварот.