Директорот на Центарот за управување со кризи, Мухамед Али соопшти дека две жени, полски државјанки, за кои попладнево беше пријавено дека се изгубиле на падините на Водно над Скопје, биле експресно најдени.

„Благодарение на брзата интервенција и координација на тимовите на Црвениот крст и на Дирекцијата за заштита и спасување, двете лица беа експресно пронајдени на падините на Водно и веднаш безбедно транспортирани во Градот Скопје“, рече Али.

Првичната информација која ја соопштија надлежните е дека се работело за исчезнат маж од Полска. Конфузијата дополнително ја зголеми и подоцнежното соопштение на Дирекцијата за заштита и спасување, која пак извести дека од врвот на Водно кон Матка, попладнето биле пронајдени две туристки од Португалија.

Од каде и да се девојките и дали тоа се истите две за кои денеска противречно информираа институциите и не е важно, колку фактот што тие се пронајдени.