На штипското Инфективно одделение се лекува еден пациент со Ковид 19

Овој пациент кој е со средна клиничка слика го формира новиот и тоа трет кластер.

Еден пациент кој е позитивен на корона вирус е сместен на Инфективното одделение во штипската Клиничка болница.

Директорот на болницата, Ален Ѓеорѓијев вели дека станува збор за маж кој неколку дена е хоспитализиран бидејќи бил со покачена телесна температура и кашлица.Во текот на вчерашниот ден неговите резултатите се пристигнати и е потврден корона вирусот. Тој е првиот пациент со Ковид 19, кој се лекува на Инфективното одделение.

Овој пациент кој е со средна клиничка слика го формира новиот и тоа трет кластер. Според епидемиолошката анкета ова лице нема поврзаност ниту со првиот, ниту со вториот кластер во Штип. Посочил и дека нема излегувано надвор од државата.

Бројката на позитивни со корона вирус од вчера е вкупно 14, од кои десет лица се од првиот кластер, кој е поврзан со првиот и најмладиот пациент во Штип, четиригодишното девојче, кое пристигна од Англија, вториот кластер се повозрасните сопружници и нивниот внук, кои беа на скијање во Копаоник и третиот кластер е мажот кој е сместен на Инфективното Одделение.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот