Екипата на Металург денеска остана без тренер откако Иван Марковски побара и доби раскин на договорот. Причината е позната, финансиската криза која го тресе тимот од Автокоманда.

Марковски во Металург пристигна во март минатата година и го предводеше тимот во финишот од ланската и првиот дел од оваа сезона.

Марковски остана во клубот со надеж дека ќе се подобрат работите на финансиски план, но откако минатото лето и во текот на оваа сезона си заминаа неколку ракометари кои беа донесени како засилувања како браќата Њокас, Хорват, а има најави дека ќе си оди и Озтурк додека Петковски и Митиќ преку арбитражата на РФМ бараат раскин на договорите, и самиот тој се одлучи да си замине.