На повидок скандал во Премиер лигата: Отворена истрага против Пакета за обложување
Фудбалската асоцијација на Англија отвори истрага против фудбалерот на Вест Хем, Лукас Пакета поради обложување.
Препорачано
Како што објави „Би-Би-Си“, Пакета кој во последниот период се поврзува со трансфер во Манчестер Сити е изоставен од списокот на Бразил за квалификациските натпревари за да реши проблем од „лична природа“.
„Скај Спорт“ пренесува изјава на Пакета кој тврдел дека никогаш не се обложувал на себе и дека е шокиран од обвиненијата против него. Во истрагата се вклучи и ФИФА, а се фокусира на голем број уплати во Бразил дека Пакета ќе добие жолт картон.
BREAKING: Manchester City’s move for Lucas Paqueta is on hold because of concerns surrounding an FA and FIFA betting investigation. pic.twitter.com/vp2aRUGcyn
— Sky Sports News (@SkySportsNews) August 18, 2023
Привремениот селектор на Бразил, Фернандо Диниз изјави дека Пакета е изоставен иако заслужува да биде во репрезентацијата.
„Пакета беше на листата, тој е играч кој многу ми се допаѓа. Меѓутоа, сега е е време да ги реши приватните проблеми кои ги има. На луѓето треба да им се даде време“, изјави Диниз.
