На Манчестер јунајтед му се брза, нов договор за Погба?
Манчестер Јунајтед овој месец ќе започне разговори со Пол Погба за нов договор од 400.000 фунти неделно, според „Сандеј мирор“.
Весникот вели дека „црвените ѓаволи“ се подготвени да го направат Французинот најплатен играч во клубот и го задржат на „Олд Трафорд“ уште четири години.
Важечкиот договор му истекува на 30 јуни 2022 година и според „Трансфермаркт“ моментно вреди 60 милиони евра.
Но, исто така се подготвени да го продадат играчот за врска ова лето доколку не покаже желба да ги одигра последните 12 месеци од договорот и, наводно, на трансфер пазарот ќе се следи ситуацијата со Деклан Рајс од Вест хем, Вилфред Ндиди од Лестер и Саул Њигез од Атлетико Мадрид.
Едно е сигурно, не сакаат играчот да си замине за ништо, а со оглед на тоа што се ближи и Европското првенство, изворот вели дека Јунајтед сака брза одлука.