Виетнамски бегалец во Канада во средата си ја побарал својата добивка од 60 милиони канадски долари (40 милиони евра), откако 10 месеци психички се подготвувал за своето богатство.

– Почнав да размислувам што тие пари ќе значат за моето семејство – изјави Бон Труонг на конференција во средата во Едмонтон, управното средиште на покраината Алберта, на запад во земјата.

– Сфатив дека многу работи ќе се променат и сакав да бидам сигурен дека ќе бидеме подготвени за тоа – изјавил тој.

Десет месеци подоцна, откако на канадска лотарија ги погодил бројките, истите на кои играл веќе со децении, си ја побарал својата добивка.

55-годишниот Труонг кој по војната во Виетнам без ништо дошол во Канада, планира со тие пари да си ја отплати хипотеката, сите останати сметки и да оди на одмор пред да и се врати на својат работа како градинар.

Бон Труонг се уште не и кажал на своите деца за добивката, бидејќи сака тие со работа да успеат во животот.

– Можеби ова ќе им го откријам на децата за десет или за дваесет години – рекол тој низ насмевка.