Професорката Мирјана Најчевска ја искоментира одлуката на Апелација да ја укине пресудата за осум години затвор против поранешниот директор на УБК Сашо Мијалков за случајот „Трезор“ и случајот да го врати на повторно судење.

„Ма на крај и орден за заслуги во изградбата на демократијата и правната држава ќе му дадат. Во секој случај очекувам да донесат пресуда со која ќе се утврди дека немало прислушување, дека не постои „Скопје 2014“, дека полицијата била супер, а Мијалков е жртва на комунизмот“, напиша Најчевска на Фејсбук.

„Ете повторно да си кажам: мора да бидат разрешени од должност сите ЈО и сите судии, да се распише конкурс и да се вратат на работа само оние кои ќе поминат граѓанско а не партиско сито и решето. Ве уверувам, на државата ќе и биде подобро без судии отколку со вакви“, додава професорката.

Поранешниот директор на УБК Сашо Мијалков како првообвинет за случајот беше осуден на единствена казна од 8 години затвор, додека поранешниот шеф на неговиот кабинет Тони Јакимовски доби 5 затворска казна , а поранешниот помошник-министер во МВР Небојша Стајковиќ казна затвор од 5 години, и поранешениот началник на Петтата управа во МВР Горан Грујевски е осуден во отсуство на 15 години затвор. Тројцата се товареа за злоупотреба на службената положба и овластувања, а Тони Јакимовски за помагање.

Случајот беше покренат во 2017 година од тогашното Специјалното јавно обвинитество поради основано сомение дека обвинетите државни службеници во УБК И МВР направиле директна набавка на електронско-комуникациска опрема за потребите на Петтата управа при УБК наместо од фирмата ГАМА од Велика Британија, како најекономичен начин, договориле набавката да се изврши преку друга фирма – посредник Финзи ДООЕЛ Скопје, на штета на буџетот на РСМ.

Паднаа пресудите за случајот „Трезор“: Мијалков доби осумгодишна казна затвор