Инстаграм профилот на „Н1“ Србија, кој беше исклучен поради координиран хакерски напад, повторно е обновен, информираше телевизијата.

Уредничкиот тим на „Н1“ веднаш контактирал со поддршката на Мета, која итно почнала со обновување на профилот, кој со години е еден од најважните извори на сигурни и нецензурирани информации за публиката во Србија.

„Ова не е изолиран инцидент, туку уште еден во низата притисоци врз слободните медиуми и граѓанските иницијативи. Во последните недели, Инстаграм профилите на други медиуми беа затворени или компромитирани, студентските групи беа блокирани, а профилот на движењето „Крени-промени“ беше отстранет пред само неколку дена – сето тоа во време кога социјалните медиуми стануваат клучен канал за ширење информации надвор од контролата на режимот.

„Н1“ и се заблагодарува на публиката за трпението и за поддршката, се наведува во соопштението на српската телевизија.

Удар врз медиуми што го критикуваат Вучиќ: Ботски напад го собори инстаграм-профилот на „Н1“

Профилите на „Слободен печат“ беа цел на координиран ботски напад — читателите масовно нѐ поддржаа