МВР го расчисти случајот поврзан со настанот во Гевгелија, каде поголем маса луѓе не го почитуваа полицискиот час, односно забраната за движење и со музика и ора го прославуваа христијанскиот празник Велигден.

-Во врска со настанот од 19-ти овој месец во Гевгелија, каде што повеќе граѓани ја прекршија забраната за движење согласно уредбите на Владата, Министерството за внатрешни работи, односно надлежните служби во текот на денов од веќе идентификуваните 18 лица учесници на настанот, извршија службени разговори со осум лица, а за останатите десет лица се во тек достави на покани за разговор во надлежната полициска станица- се вели во соопштението на МВР.

Исто така, по целосно документирање на настанот против сите инволвирани ќе бидат поднесени соодветни казнени пријави, а целокупната постапка е во координација со надлежен обвинител при ОЈО Гевгелија.