Муса Џафери, еден од предводниците на „огнените“  и претседател на надзорниот одбор на ДУИ, вчера од собирот во Кичево порача лидерот на ДУИ Али Ахмети да го спасат од Артан Груби.  Тој го обвини Груб за узурпирање на партијата и дека преку пропаганда дезинформира за незадоволните и за целите на „огнената група“. Џафери рече дека толку многу се вложиле во ДУИ што не ни помислуваат да и наштетат и дека никогаш не ја нападнале фигурата на нејзиниот претседател Ахмети.

„Артан Груби само се крие и се брани зад ликот на Али Ахмети. Тој заедно со другите министри треба да се појави пред граѓаните и да даде отчет и да покаже колку инвестиции направил во Кичево. Која е причината за неинвестирање во Чаир? Каде одат парите од буџетот“, праша Џафери.

Тој порача дека каде и да свртат ќе се судрат со незадоволните. Најциничната завера, што според Џафери, ја шири Груби е дека тој, Изет Меџит и другите решиле да одржат митинг во Кичево за да му наштетат на Ахмет. Според џафери, тоа не е точно.

„Нема потреба Артан Грбуи да го штити Али Ахмет од Муса Џафер. Апелирам до него да не прави маркетиншки спинови. За ова апелирав и претходно. Да го спасиме Али Ахмет од оваа извршна власт, од Артан Груби. Се плашам дека тие што тврдат дека многу го сакаат, му го одземаат здивот. Зошто сега не го штитат Али Ахмет од Алијанса“, праша Џафери.

Тој го повика Ахмет да размисли, да се сретнат и да понуди решенија за проблемите во партијата.

Потпретседателот на ДУИ и пратеник Изет Меџити побара расправата да се врати во органите на партијата.

„Секогаш имаше дебата внатре во партијата, но на крајот знаевме да донесеме правилни одлуки за доброто на партијата. Немаме ништо лично против никого, никогаш не сме имале лоши намери. Да се ​​подобриме пред народот да не подобри нас“, речеМеџити.