Домашниот тим кој е предводен од Жозе Мурињо, кој пред да седне на клупата на лондонскиот тим, последна екипа која ја предводеше беше токму Манчестер јунајтед, поведе во 27. минута благодарение на голот на Стивен Бергвајн кој ја искористи заспаноста на противничката одбрана.

Во вториот дел, „црвените ѓаволи“ беа подобар тим и не успеаја да искористат неколку добри шанси, се до 82. минута кога Пол Погба беше фаулиран од Ерик Даер во шеснаесетникот на Тотенхем.

Судијата Мос досуди на белата точка, а сигурен реализатор беше Бруно Фернандеш. Во самиот финиш, во 90. минута Мос досуди уште еден пенал за Јунајтед но по проверката со ВАР технологијата беше утврдено дека нема никаков контакт и пеналот беше поништен.