Има некои работи што не треба да се прават во март во градините зошто може да им наштетите на растенијата.

Една од работите што може да ви биде примамлива во градината кога сонцето ќе почне да свети е да ги потсечете растенијата. Иако е познато дека тоа се прави на почетокот на пролетта, сепак мора да земете предвид една работа.

Имено, пред да ги закројувате растенијата, важно е да ја проверите временската прогноза и да се уверите дека повеќе нема да има мразови. Често е неопходно да се почека ноќните температури да се издигнат над нулата пред да се продолжи со сечењето.

Дополнително, иако едвај чекате, внимавајте на прогнозата на температурите доколку планирате да засадите нови растенија. Ладната почва сигурно нема да им биде пријатна, па лесно може да се исушат.

Ако почвата е сува по зимата, збогатете ја со компост и додајте ѓубрива со бавно ослободување за да поттикнете здрав раст на растенијата. Почекајте неколку дена, па дури потоа почнете да садите нови растенија.

Исто така, на розите им е потребно кроење (пролетно кастрење на рози). Отстранете ги сувите и вкрстени гранки, а преостанатите исечете ги веднаш над пупките што се свртени нанадвор. Сепак, повторно погрижете се температурите да бидат над нулата во вечерните часови, во спротивно ќе ги уништите.

Не заборавајте доколку имате хортензии, најдобро е грмушките да ги скастрите за околу една третина пред да почнат да никнуваат нови гранки. Сепак, почекајте до почетокот на април за да ги исечете.

Ако имате форзиција во вашата градина, исечете ги младите ластари веднаш по цветањето за да обезбедите бујно цветање следната година.