Мостар треба да го добие првиот хотел „Хилтон“ во Босна и Херцеговина
Светската франшиза на хотелот „Хилтон“ наскоро ќе има свои капацитети во Босна и Херцеговина, а како што дознава порталот Кликс.ба, заинтересирани се за хотелот „Неретва“ во Мостар.
Хотелот „Неретва“ треба да биде само еден од неколкуте проекти на подрачјето на Босна и Херцеговина кои „Хилтон“ сака да ги реализира.
Директорката на инвеститори на Интершпед, Ениса Тукиќ, потврди дека Хилтон и Интершпед имаат дискусии за неколку проекти.
„Можеме да потврдиме дека споменатите компании работат на евентуален развој на неколку проекти на територијата на Босна и Херцеговина. Сепак, јавноста за ова официјално ќе биде информирана на Меѓународниот хотелски инвестициски форум, кој ќе се одржи во мај 2023 година во Берлин“, изјави Тукиќ.
Реконструкцијата на хотелот „Неретва“ беше запрена во изминатиот период поради пандемијата, но Тукиќ додаде дека работите ќе почнат повторно во март 2023 година.