Русија воведе забрана за влез на бројни претставници на европски институции и земји како одговор на усвојувањето на деветнаесеттиот пакет санкции на Европската Унија, соопшти руското Министерство за надворешни работи.

„Како одговор на усвојувањето на деветнаесеттиот пакет европски санкции, руската страна значително го прошири списокот на претставници на европските институции, членки на ЕУ и голем број европски земји кои се интегрирани во антируската политика на Брисел, на кои им е забранет влез на територијата на нашата земја“, се вели во соопштението на Министерството, објави Nezavisne.

Во соопштението се нагласува дека непријателските дејствија на ЕУ не можат да имаат никакво влијание врз политиката на Москва, а Русија ќе продолжи да ги брани своите национални интереси и да ги штити правата и слободите на своите граѓани.