МОРБИДНО: Се појави фотографија од телото на Сала во мртовечница
Семејството на трагично починатиот фудбалер Емилијано Сала и полицијата најавија истрага, затоа што во јавноста се појавија фотографии од тело, за кое се тврди дека е на фудбалерот и дека е сликано во мртовечница.
Сала, кој требаше да направи рекорден трансфер од редовите на Нант во Кардиф Сити, загина во авионска несреќа. Службите го извлекоа авионот и го пронајдоа неговото тело, а неколку месеци по несреќата, на социјалните мрежи се појавија морбидни фотографии.
Полицијата најави дека е отпочната истрага околу фотографиите кои осамнаа на Интернет и дека сторителите кои го направиле ова дело најстрого ќе бидат казнети.
– Свесни сме и згрозени дека некој споделил фотографија на социјалните мрежи. Семејството Сала минува низ многу тешки моменти, посебно и со смртта на таткото на Емилијано, а сега дополнителна болка е и ова што се случува со еден ваков ужасен чин. Го истражуваме овој инцидент како би откриле кој е одговорен за фотографија и нејзиното делење по социјалните мрежи – информираат од аргентинската полиција.
Англиските медиуми пишуваат дека многу веројатно се работи за човек кој тајно влегол во мртовечницата во Борнмут и успеал да го направи ова нечовечко дело.