Алваро Мората тврди дека Јувентус е еден од фаворитите во Лигата на шампионите и се надева дека ќе го избегне неговиот поранешен клуб доколку Атлетико Мадрид се пласираше во наредната фаза.

Атлетико Мадрид и Јувентус преку групата „Д“ се пласираа во осминафиналето, така што италијанскиот шампион заврши како првопласиран на табелата со победа и реми против „јорганџиите“.

По победата од 1:0 против Ливерпул во вторникот вечерта, поранешниот член на Јуве не посакува во евентуалното четвртфинале да се сретне против „Старата дама“.

– Мислам дека Ливерпул и Јуве се најдобри, а меѓу фаворитите е и ПСЖ. Но, ништо не е сигурно во Лигата на шампионите. Посакувам да не играме повторно против Јувентус – рече Мората за „Скај Спорт Италија“.

Реваншот на Атлетико против Ливерпул ќе се одигра на 11 март, додека Јувентус го игра својот прв натпревар против Олимпик Лион следната среда.