13 C
Скопје

Монографска изложба „Помеѓу зборот и сонот“ на Наташа Андонова

Во рамките на Европскиот ден на уметничка креативност од проектот „КреАрт“, во организација на Музеј на Град Скопје и Град Скопје, а како дел од циклусот „Калеидоскоп“, од 5 до 12 април во галеријата на МКЦ ќе биде поставена изложбата со илустрации за детски бајки и приказни „Помеѓу зборот и сонот“ од академската сликарка Наташа Андонова. На изложбата ќе бидат претставени илустрации за детски бајки и приказни, каде Наташа оттргнувајќи ги од светот на фантазијата создава нови визуелни приказни во кои волшебно ги разигрува мноштвото нејзини јунаци.

„Детето во нас никогаш не е доволно пораснато за да престане со љубопитност. Ние сме постојано во потрага по нови знаења, искуства и нови светогледи. Тоа значи дека растеме низ игра, а фантазијата е гориво за растењето. Тука има препреки, грешки и паѓање, како и во бајките. Во бајките, прозата и поезијата, суштинското добро е коренот на кој почива мотивот и доаѓањето до него е целта. Во потрага по тоа добро чекорат храбрите јунаци-ликови со атрибути на лојалност, доблест, љубов, љубопитност, заедно со нивните опоненти, во еден виор и вртлог на фабулата. Нивната авантура е наша авантура, се идентификуваме, осознаваме и најмногу од сѐ, создаваме слики, визуелни отпечатоци, кои се складираат во нашето помнење и се репродуцираат ненадејно и спонтано кога ќе им се посака. Помеѓу зборот и сонот се простира сликата, ликот, атмосферата, кои ги викаме илустрација“, објаснува Андонова.

Прочитајте и...  Награда „Денес“: Четири кандидатки за уметнички престој во Њујорк

(Текстот е објавен во „Културен печат“ број 75, во печатеното издание на „Слободен печат“ на 3-4 април 2021)

Поврзани вести

Награда „Денес“: Четири кандидатки за уметнички престој во Њујорк

Тони Димков

Изложба во МКЦ: Проширено поле на графичката уметност

Тони Димков

Интервју со режисерката Нела Витошевиќ: Глобалната криза кристално јасно го отслика моментот колку сме потонале како цивилизација

Тони Димков

Европски стрип-проект: Логистичка поддршка за развој на деветата уметност

Тони Димков

Разговор со писателот Владимир Илиевски: Историјата како моќна подлога за книжевно дело

Тони Димков

Танц Фест Скопје 2021 објави повик за млади кореографи

Тони Димков

Остави Коментар