Кошаркарската репрезентација на Македонија 16 години е поразена од селекцијата на Русија со убедливи 70:45 на Европското првенство во Удине, Италија. По поразот од Русија наместо во четвртфиналето, младите кошаркари ќе играат за пласман од 9. до 16. место.

Очајниот шут на младите кошаркари  им донесе проблеми уште на стартот, првите поени ги постигнаа дури со шестата минута преку Симиќ, а до крајот на првата четвртина дадоа уште пет поени. Во втората четвртина реализацијата беше малку подобра, избраниците на селекторот Дервишевиќ дадоа 11 поени, но противникот на пауза замина со предност од 30:18 и речиси обезбедена победа.

Сите дилеми околу победникот беа решени во третиот дел кој им припадна на руските кошаркари со 16:7.
Андреј Митревски со 14 поени беше единствениот со двоцифрен ефект во нашиот состав.

Нареден противник за македонските надежи е репрезентацијата на БиХ која денеска загуби од Турција со 87:65