Млад Италијанец со наградата за фер-плеј: Тој е вистинскиот победник!
Покрај останатите, меѓу победниците е и Матија Ањезе кој вчера ја доби наградата од ФИФА за Фер Плеј..
Младиот Италијанец, кој има само 17 години и игра за аматерскиот клуб Оспедалети, го спаси животот на еден играч од противничката екипа на натпревар одигран на почетокот од годината во областа Лигурија.
– Видов дека не дише и веднаш го ставив во безбедна положба, брзо му го извадив јазикот спречувајќи да се задуши – рече Ањезе кој ги научи маневрите за спасување гледајќи видеа за прва помош на ЈуТјуб.
Наградата му ја додели легендарниот Руд Гулит со зборовите „Ти си мој и наш херој“.
– Добитникот на ФИФА за Фер Плеј, Матија Ањезе е буквално спасител на живот. Тој има само 17 години, а овој амбициозен фудбалер е почестен за чинот на брза храброст во давањето критична прва помош на противник кој изгубил свест по судир на теренот – напиша ФИФА во официјалната изјава.
Официјално: Левандовски е прогласен за најдобар фудбалер на светот!
