Ексдиректорот на Бирото за јавна безбедност и поранешен министер за внатрешни работи Митко Чавков, денеска околу 10 часот излезе од затворот во Штип. Тој е пуштен на условен отпуст, потврди директорот на штипскиот затвор Дејан Здравков. Чавков беше осуден на казна затвор од 18 години за „терористичко загрозување на уставниот поредок и безбедноста“ за настаните од 27 април. Тој бараше повторно судење, процесот го оценуваше како „политичка монтировка“, а во текот на издржувањето на санкцијата се соочуваше со здравствени проблеми поради кои во одреден период казната му беше прекинувана. Откако излезе од затвор, тој на социјалните мрежи објави фотографија со ќерката која го пречекала.

Основниот кривичен суд му ја намали изречената затворска казна, како и на најголем дел од останатите осудени во истиот предмет.