Мистериозна смрт на турската богаташка: Паднала од брод, партнерот 20 часа молчел за нејзиното исчезнување
Богатата претставничка на империјата за накит „Тифани“ за Турција паднала од брод за крстарење во текот на пловењето и загинала, пишува „Дејли мејл“. Дилек Ертек (71) паднала на 26 октомври од бродот „Norwegian Spirit“ во морето кај брегот на Тахити, пренесува „Јутарњи“.
Турскиот весник „Сабах“ известува дека нејзиното семејство повикало полиција за да ја истражи улогата на нејзиниот партнер, инаку, швајцарски државјанин, кој бил со неа на крстарењето.
View this post on Instagram
Нејзиниот син Гокче Атук изјавил дека од сефот во кабината на неговата мајка исчезнал и вреден накит.
Иако со прегледот на надзорните камери е утврдено дека Ертек паднала во морето околу три часот наутро, нејзиниот неименуван љубовник го пријавил нејзиното исчезнување дури 20 часа подоцна.
Експертите се збунети како жена која е висока само 157 сантиметри и која никогаш не пиела алкохол, паднала преку оградата висока повеќе од еден метар од својата кабина.
Нејзиниот 74-годишен партнер бил задржан во посебна кабина сѐ додека бродот не се закотвил на пристаништето на Тахити три дена подоцна.
По закотвувањето на бродот, полицијата го испрашала, но подоцна бил ослободен поради недостиг на докази и подоцна се вратил во Швајцарија.
Потрагата по телото на г-ѓа Ертек е прекината.
View this post on Instagram
Дилек Ертек се качила на бродот на 24 октомври на островот Папете во Француска Полинезија, за да го прослави својот роденден на 5 ноември на Бора Бора, мал остров во јужниот Тихи Океан.
Крузерот пловел кон Хонолулу на Хаваи.
Потрагата по нејзиното тело била организирана веднаш штом било утврдено дека паднала во морето, но безуспешно, а бродот потоа тргнал кон најблиското пристаниште на островот Папете.
По прегледувањето на снимките од надзорните камери, било утврдено дека една личност навистина паднала од бродот во тој момент, јавуваат турските медиуми.
Исто така, известија и дека имало проблеми со истрагата за овој настан и дека кабината на г-ѓа Ертек не била прегледана како што треба.
View this post on Instagram
Некои веруваат дека властите на Тахити само ја покренале постапката, но не ја спровеле до крај, затоа што смртта настапила надвор од нивната надлежност.
Но, адвокатите на Дилек Ертек, наводно, рекле дека истрагата е одговорност на Тахити, бидејќи таа била најблиската земја кога се случил инцидентот на море.
Наводно, адвокатите се подготвуваат да поднесат тужба против бродската компанија.
Гокче Атук, наводно, отишол на Тахити за да помогне во потрагата, која сега е прекината, што го натерало да ангажира адвокати.
Капетанот Мустафа Чан, наводно, рекол: „Тешко е да се падне од овој тип на патнички и крстаречки брод“.
Дилек Ертек е родена во Истанбул и дипломирала на Универзитетот Мимар Синан, отсек архитектура.
Таа продолжила да ги проучува дијаманти на Гемолошкиот институт на Америка во Њујорк.
На крајот на 1995 година, таа ја отворила првата продавница „Тифани“ во Истанбул. Таа беше дистрибутер на „Тифани и компанија“ за Турција повеќе од 20 години.
View this post on Instagram
