Фудбалскиот клуб Вардар АД Скопје ја информираше јавноста дека е продолжена соработката со двајца свои играчи кои остануваат верни на „црвено-црниот“ дрес.

Мислав Матиќ потпиша нов договор со скопскиот клуб до 30 јуни 2028 година, а истото го направи и Георгије Јанкулов.

24-годишниот одбранбен фудбалер Јанкулов сезонава во домашниот шампионат запиша 16 настапи и еден гол во ремито против Струга Трим Лум.

Хрватскиот дефанзивец Матиќ исто така има 16 настапи во првенството, но со два постигнати голови во победите над Арсими (4:1) и Тиквеш (2:1).

Екипата моментно е на зимски подготовки во Анталија, Турција, каде покрај редовните тренинзи веќе одигра и контролни натпревари против чешкиот Јаблонец (2:6) и Андијон од Узбескистан (1:1).

Во петокот Вардар требаше да игра пријателски меч против Мотор Лубин од Полска, но истиот е откажан поради лошите временски услови.

Во Вардар веќе се бара наследникот на Седлоски, се воделе разговори со неколку тренери