Легендарниот пејач Мишо Ковач беше итно примен во болница поради нарушено здравје. Како што пренесуваат локалните медиуми, неговата ќерка Ивана ги откри деталите за здравствената состојба на пејачот.

Имено, станува збор за висока температура. Пејачот синоќа со возило на Брза помош заврши во КБЦ Сплит, а моментално е на пулмолошкиот оддел. Неговата ќерка Ивана за медиумите изјави дека нема потреба за грижа.

„Татко ми заврши во Клиничкиот болнички центар во Сплит бидејќи имаше висока температура. Ништо сериозно. За постарите луѓе кои веќе имаат некакви потешкотии како него, треба да одат во болница…превентивно. Не е исто како кај нас здравите кога ќе добиеме висока температура. Лекарите ќе го задржат некое време, а потоа ќе го пуштат дома“, изјави Ивана Ковач.

Инаку, Мишо минатата година требаше да настапи на новогодишната ноќ во Вуковар, но мораше да откаже. Тој тогаш доби висока температура. Пејачот тогаш изјави дека многу му е жал што ги разочарал жителите на Вуковар.