Австралиската манекенка Миранда Кер и основачот на „Снепчет“, Еван Спигел го очекуваат третото заедничко дете.

Среќната вест ја сподели самата Кер на Снепчет, социјалниот медиум на кој нејзиниот сопруг е извршен директор.

„Толку сум возбудена што можам да ви го најавам бебето број четири“, напиша таа на фотографијата, на која го покажа трудничкиот стомак.

Исто така, таа го откри и полот на детето, односно дека во нивното семејство пристигнува уште еден син.

Како потсетување, Миранда Кер и Еван Спигел ја започнаа љубовната врска во 2015 година, а следната година ја објавија нивната свршувачка.

Тие стапија во брак во 2017 година, на приватна свадбена церемонија, со четириесетина гости, во Калифорнија.

Кер и Спигел станаа родители на нивното прво дете, синот Харт, во мај 2018 година, а синот Мајлс го добија во октомври 2019 година.

Манекенката има уште еден син, 12-годишниот Флин, од претходниот брак со актерот Орландо Блум.