Министерство за култура: Филип Петковски веќе беше номиниран прв на листата на повикот за УНЕСКО

Филип Петковски /номинација за УНЕСКО/ Фото: Архива на Слободен печат

Откако „Слободен печат“ го објави статусот на социјалните мрежи на г-дин Филип Петковски, реагираше Министерството за култура од каде информираат дека на 10.08.2021 министерката Ирена Стефоска, на отворениот повик на УНЕСКО за Програмата за млади професионалци 2021 во Париз, ја номинирала листа на кандидати кои ги исполнуваат условите на која прв е токму Филип Петковски.

При овој избор, секако,  огромна улога имаа квалификациите наведени во неговото CV кое заедно со препораката од министерката е испратено во седиштето на УНЕСКО во Париз, се вели во реакцијата на Министерство за култура испратена до нашата редакција.

Документот што Министерството за култура го достави до Слободен Печат.

Филип Петковски е Македонец кој иако дипломирал на престижен универзитет и има квалификации и богата биографија, преку фејсбук-статус сподели не можел да најде работа бидејќи никој не му дал шанса за тоа.

Филип: Можам да предавам на најмалку четири универзитети, зошто никој не сака да ми го прочита CV-то и да ми даде шанса

 

Видео на денот