Филип: Можам да предавам на најмалку четири универзитети, зошто никој не сака да ми го прочита CV-то и да ми даде шанса
Филип Петковски е Македонец кој иако дипломирал на престижен универзитет и има квалификации и богата биографија, таа и понатаму останува непрочитана. Зошто никој не сака да ми го прочита CV-то и да ми даде шанса, се прашува тој во својот статус на фејсбук.
Во објавата тој објаснува дека досега има аплицирано со многу проекти поврзани со УНЕСКО, бидејќи има соработувано со нив и точно знае како функционираат нештата, но неговата кратка биографија во нашата земја се уште нема добиено шанса да го покаже своето знаење.
Еве нѐ, вратени сме! Зошто сум невработен? Имам докторирано на еден од најпрестижните универзитети во светот и имам работено во неколку интернационални организации вклучувајќи го и УНЕСКО.
Министерката Irena Stefoska инистира на заштита на културно наследство, а јас сум единствениот човек во државава што има докторирано на таа тема и што вистински знае како функционира УНЕСКО.
Во Министерство за култура / Ministria e Kulturës, покрај тоа што ми ги одбија проектите поврзани со културно наследство, ми немаат вратено на ниту еден мејл, а причината (за која неформално дознав) е језива за споделување на фејсбук бидејќи ептен ќе го наруши имиџот на институцијата и на партијата.
Мејлови имам пратено и во Министерство за образование и наука и до министерката Мила Царовска, но немам одговор. Со образование се бавам веќе 4 години и работев како асистент на УКЛА, а тука можам да предавам на најмалку 4 универзитети. Зошто никој не сака да ми го прочита CV-то и да ми даде шанса?
Не е дека молам некого да ме бутне да работам во јавна администрација без никакви квалификации. Вистински сакам да останам во земјава и да направам некаква промена, бидејќи можам и знам. Каде грешам, како правилно да постапам?, пишува тој.