Иако сезоната во Бундес лигата сè уште не е завршена, Борусија Дортмунд веќе ги започна подготовките на наредната.

„Милионерите“ веќе обезбедија две засилувања за кои ќе потрошат околу 50 милиони евра на стартот од преодниот рок, тоа се Ник Шулц од Хофенхајм и фудбалерот на Борусија Менхенгладбах, Торген Азар.

Шулц кој е член и на германската репрезентација, игра на позицијата лев бек и ќе биде замена за Ашраф Хакими кој се враќа во Реал Мадрид. На неговиот досегашен клуб, Хофенхајм ќе му припаднат 25 милиони евра како обесштетување.

Торген Азар доаѓа од Борусија Менхенгладбах и се шпекулира дека вредноста на трансферот ќе изнесува помеѓу 25 и 30 милиони евра. Белгиецот игра на левата крилна позиција и се очекува да биде замена за Кристијан Пулишиќ кој за сума од 64 милиони евра премина во Челси. Торган Азар е помладиот брат на ѕвездата на Челси, Еден Азар, кој исто така на лето ќе ја промени средината и Лондон ќе го замени со Мадрид.

Претходно, Борусија Дортмунд ја искористи клаузулата од договорот со Барселона и за 21 милион евра го откупи напаѓачот Пако Алкасер.