Милчо Манчевски ќе ја режира романтичната комедија „Кајмак“
Македонскиот режисер во соработка со „Банана филм“ и британската продукција „Скала“ ќе ја режира комедијата „Кајмак“. Филмот ја раскажува приказната за две двојки кои се соседи и ќе се најдат среде нетрадиционални романтични врски.
„Кајмак“ ќе се снима во ко-продукција со Мета Луис Фолдагер Соренсе и Мет Борч од „Мета филмс“ од Копенхаген и Иван Дојков од „Даре филмс“ од Софија. Кастингот во моментов не е објавен.
– „Кајмак“ е за предизвиците и мудроста на прифаќање за тоа што се смета за „нормална“ романтична врска. За тоа ако го следите срцето, каде ќе ве одведе – вели Манчевски во изјава за „Варајети“ и додава дека приказната е и за табуата, изборите кои ги правиме во животот и како сето тоа “ни се враќа да нè повреди, инспирира и одведе на нови места“.
Филмот е поддржан од Македонската филмска акгенција, Данскиот филмски институт, Бугарскиот филмски центар и Македонската радио телевизија.