Европа мора да остане обединета, за да го заштити меѓународното право и суверенитетот на своите членки, како во случајот со Данска и Гренланд, изјави грчкиот премиер Киријакос Мицотакис. Сепак, тој нагласи дека  е важно да се одржуваат отворени канали за соработка со САД дури и во периоди на тензии, со јасно истакнати црвени линии.

Во својата редовна неделна објава на социјалните мрежи, тој рече дека Грција работи на решенија што го зајакнуваат мултилатерализмот, безбедноста и стабилноста, не преку конфликт, туку во договор со сојузниците.

Грција, како членка на Европската Унија со стратешки односи со САД, работи за решенија што ја зајакнуваат мултилатералноста, безбедноста и стабилноста. Не преку конфронтација, туку преку координација со нашите сојузници. Ја поддржуваме стратешката автономија на Европа преку посилна одбрана и поголема конкурентност, се стремиме кон активна европска улога во Газа и на Блискиот Исток и преземаме суштински иницијативи во рамките на Европската Унија и Советот за безбедност на Обединетите нации, напиша Мицотакис.