Премиерот Христијан Мицкоски вечерва во интервју на „Канал 5“ рече дека обвинителката Ленче Ристоска единствена испаднала од владиниот список на кандидати за нов државен јавен обвинител.

Мицкоски рече дека од четворицата кандидати за кои Советот на јавни обвинители даде позитивни мислење, на владината листа сега се три имиња, а меѓу нив не е и бившата обвинителка од СЈО, Ленче Ристоска.

Мицкоски изминативе месеци постојано ја напаѓаше Ристоска, а тој негов однос се прелеа и во медиумите блиски до власта, прераснувајќи во цела оцрнувачка кампања против обвинителката која ги води предметите „Талир“ за имотот на ВМРО-ДПМНЕ.

Советот на јавните обвинители даде позитивно мислење за четворица од петте кандидати за државен јавен обвинител. Позитивно мислење добија сегашната в.д. државна јавна обвинителка Анита Тополова-Исајловска, обвинителката Ленче Ристовска, судијата од Кривичниот суд, Ненад Савевски, и обвинителката од скопското Обвинителство, Лидија Раичевиќ. За кандидатурата на Владимир Панчевски Советот едногласно одлучи дека тој не ги исполнува условите предвидени со законот во однос на работниот стаж.

Цветановски, Биковски, Топалова-Исајловска – имиња кои се споменуваат за наследник на Коцевски