Металург ја темпира формата во Чеховски и Кањижа – Слободен печат
РакометСпорт

Металург ја темпира формата во Чеховски и Кањижа

Металург под водство на новиот тренер Дамир Стојановиќ, подготовките за новата сезона ќе ги почне на 29 јули, кога е закажан првиот собир.

Неколку дена пред и после Илинден, Металург ќе тренира во Автокоманда, а потоа ќе замине за Копаоник, каде од 6 до 12 август ќе ги работи висинските и базичните подготовки.

Во текот на подготовките Металург ќе учествува и на два турнири. Најпрво ќе биде дел од турнирот на Чеховски Медведи, од 15 до 19 август, а потоа ќе настапи и во Кањижа, од 22 до 25 август.

Последната етапа од подготовките Металург ќе ја одработи во Автокоманда.

Своите обврски во македонската Суперлига ќе ги почнат со одигрување на првото коло, кое е планирано на 7/8 септември.

Претходно „сино-белите“ како освојувачи на Купот на Македонија ќе треба да настапат во Суперкупот, за чија дата на одигрување треба да се постигне договор со шампионот во првенството, Вардар.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close