Ракометарите на Металург го одиграа најдобриот натпревар сезонава во Лигата на Европа, но не успеа дојдат до победата и одиграа 33:33 против Фиверс. Металурзите во третиот натпревар во Лигата на Европа дојдоа до првиот бод, откако претходно загубија Адемар Леон и Тулуз.
Австрискиот тим подобро го отвори натпреварот и веднаш поведе со 0:3, а кон средина на првото полувреме Фиверс водеше и со 7:12. Потоа металурзите конечно заиграа подобро и на полувреме заминаа со негатива од три гола (16:19).

Во второто полувреме по само пет минути тимот од Автокоманда дојде до израмнување 20:20, а со голот на Рниќ и за прв пат поведе (21:20) на натпреварот. Одличната игра продолжи и во наредниме минути со што предноста се зголеми на 23:20.

Металург ја одржуваше предноста од 2-3 гола со последните седум минути од натпреварот кога при водство од 31:29 гостинскиот тренер мораше да земе тајм-аут, а по него австриските ракометари направија серија од 4:0 и го свртеа резултатот во своја корист.

Металург одговори со двата гола на Канкараш по што во последните 20 секунди успеа да го зачува својот гол и да дојде до бод. Серафимов и Хорват со по седум гола беа најефикасни во таборот на тимот од Автокоманда, додека кај гостите Ерик Дамбок одигра неверојатен натпревар постигнувајќи 11 гола.