Меркур вечерва ја достигнува највисоката точка и ќе биде видлив на небото: Како да не го пропуштите овој настан?
Денеска, 22 септември, Меркур ќе ја достигне највисоката точка на небото во 2023 година.
Ако никогаш досега не сте го виделе Меркур со свои очи, денес можеби е денот да го промените тоа. Вечерва ќе можете да ја видите оваа „Брза планета“ со орбита околу Сонцето која трае помалку од 90 дена, полуосветлена на ноќното небо над вас.
Меркур е познат по тоа што орбитира толку блиску до нашата најблиска ѕвезда што речиси секогаш се „губи“ во нејзиниот сјај. Затоа има само неколку прилики во текот на годината кога може да се види, а тоа е во самрак – кога зајдисонцето и изгрејсонцето се блиску. Тогаш Меркур ќе биде на најголема оддалеченост од Сонцето, а ќе се гледа од Земјата, пишува српски „Нејшнал џеографик“.
The clearest photo of Mercury, the closest planet to the Sun | NASA pic.twitter.com/pLdN6VUwhh
— The Science World (@scienceworld224) September 22, 2023
Најголемото издолжување на Меркур ќе биде видливо над западниот хоризонт по зајдисонце, додека 30 минути пред изгрејсонце ќе биде видливо над источниот хоризонт. Во тие моменти ќе изгледа како Месечината во својата прва и последна фаза поради полуосветлувањето. Откако ќе ја достигне највисоката точка, ќе биде видлив во следните неколку дена, т.е. до 30 септември.
Ако не сакате да го пропуштите ова и ако временските услови ви дозволуваат – без облаци и врнежи – ќе ви требаат двоглед со жолти нијанси и хоризонт на кој нема пречки. За полесно ориентација, Венера ќе свети директно над Меркур.