Мериленд бара помош од 60 милиони долари за урнатиот мост во Балтимор
Гувернерот на Мериленд, бара 60 милиони долари федерална помош за да се отпочне реконструкција на мостот во Балтимор кој се урна во четвртокот откако бродот „Дејли“ удри во него, пренесува „АpNews“.
Гувернерот Вес Мур изјавил дека „најдобрите умови на светот“ работат на планови за расчистување на остатоците, преместување на товарниот брод што се удри во мостот и извлекување на телата на четворицата преостанати работници за кои се претпоставува дека се мртви.
„Владата работи рака под рака со индустријата за да ја истражи областа, вклучително и потонатиот брод, и да го отстрани бродот“, рече Мур.
Претседателот Џо Бајден вети дека федералната влада ќе ги плати сите трошоци за обнова на мостот.
Во четвртокот кон Балтимор се упатија огромни бродови со дигалки за да го расчистат металот и бетонот во обид да се отвори клучната рута за испорака, која е блокирана од урнатините на мостот „Френсис Скот Ки“.