Германскиот канцелар Фридрих Мерц ќе отпатува за Брисел во петок, 5 декември, изјави денес портпаролот на германската влада. Според бриселски „Политико“ средбата ќе биде обид на Мерц да го убеди белгиското раководство да поддржи заем од 165 милијарди евра за репарации за Украина користејќи замрзнати руски средства на белгиска територија.

Мерц наводно го откажал своето патување во Осло за да ја посети престолнината на ЕУ откако ЕК предложи финансиски пакет за финансирање на одбраната на Украина од руските сили.

Де Вевер останува против иницијативата, бидејќи поголемиот дел од средствата ги управува финансискиот депозитар „Евроклер“ со седиште во Брисел.

Лидерите на ЕУ треба да разговараат за иницијативата во Брисел на 18 декември, а како што објавува бриселскиот портал, неуспехот да се постигне договор би можел да ги принуди владите на ЕУ да ги користат парите на даночните обврзници.