Менаџерот на Челси, Томас Тухел застана во одбрана на својот играч Тимо Вернер кој доби многу критики после пропуштената шанса против Македонија во Дуизбург во квалификациите за СП.

Нашата А репрезентација приреди големо изненадување совладувајќи ја Германија со резултат 2:1. А при нерешени 1:1 Вернер од чиста позиција не успеа да ја затресе мрежата на Димитриевски.

После репрезентативната пауза, продолжуваат возбудувањата во клупски план, в сабота од 13.30 часот во Премиер лигата Челси е домаќин на Вест Бромвич.

Тухел имаше свој коментар околу нереализираната шанса на Вернер против Македонија:

– Тој ја пропушти таа шанса и сега сите зборуваат за тоа, што е малку досадно. Вистината е тоа што тој не стартуваше на сите три натпревари за Германија, така што доколку имаше повеќе минути, можеби ќе реализираа повеќе голови.

Werner is not a serious footballer

pic.twitter.com/ORXQs5fKUw

— Taísto (@TaistoFCB) March 31, 2021

Сега лесно е сите да го вперат прстот кон Тимо, а јас тоа не можам да го разберам и нема да го прифатам. Јас сум среќен што тој се врати бидејќи тука е заштитен.

Треба да ја разгледаме ситуацијата искрено и тој е во момент кога нема доверба и работите не се премногу лесни. Тој сè уште постигнува голови за нас, сè уште асистира за нас, изнудува пенали. Доколку ова е најкритичната точка во неговата кариера, можете да кажете дека е сè уште прилично импресивно досега. Ова момче ги тресе мрежите уште од својата петгодишна возраст и тој никогаш не запре – вели Тухел.