Маж избодел неколку луѓе во Израел, најмалку тројца мртви
Најмалку три лица се убиени во напад со нож во Бершева, град во пустината Негев во јужен Израел, соопштија безбедносни извори. Еден човек влегол во трговски кварт во градот и со нож ранил цивили, соопшти израелската полиција, сомневајќи се дека станува збор за „терористички“ чин.
Според полицијата, осомничениот ја избодел жена со нож, а потоа се качил во возилото и продолжил да вози кон трговскиот центар, каде излегол од автомобилот и со нож избодел уште една жена и маж.
Во напаѓачот пукале цивили
Цивилите кои се нашле на лице место отвориле оган во правец на напаѓачот и успеале да го „неутрализираат“, додала израелската полиција, без да наведе дали тој се уште е жив. Центарот Маген Дејвид Адом, кој е израелски еквивалент на Црвениот крст, потврди дека се убиени три лица.
Израелскиот премиер Нафтали Бенет, кој штотуку се врати од самитот во Египет каде што се сретна со египетскиот претседател Абдел Фатах ал-Сиси и лидерот на Обединетите Арапски Емирати Мохамед бин Зајед, знае за нападите во Бершева и се консултирал со Министерството за јавна безбедност и полицијата.