Маж и жена испиле смртоносен коктел од лекови: Тој починал, таа преживеала, а потоа животот ѝ се претворил во ПЕКОЛ! (ФОТО) – Слободен печат
Магазин

Маж и жена испиле смртоносен коктел од лекови: Тој починал, таа преживеала, а потоа животот ѝ се претворил во ПЕКОЛ! (ФОТО)

Парот бил во брак 60 години и имаат три деца. Во прошталното писмо долго 14 страни, напишале зошто се одлучиле да си ги „скратат“ животите

Денис (81) и Мавис Еклестон (80) одлучиле да умрат заедно кога ракот, од кој боледувал Денис, влегол во последната фаза.

Поради таа причина тие испиле мешавина од лекови и Денис починал, но лекарите ја спасиле Мавис која што потоа била обвинета за убиство на сопругот.

Парот бил во брак 60 години и имаат три деца. Во прошталното писмо долго 14 страни, напишале дека се одлучиле да си ги „скратат“ животите поради лошото здравје, злоставување и карање со комшиите.

Семејството тврди дека полицијата ја малтретирала Мавис во затворот, а нејзиниот син Кевин вели дека полицискиот началник му рекол како ќе направи „пример“ од неговата мајка.

Мавис на суд изјавила дека на денот кога тие го испиле смртоносниот коктел, нејзиниот сопруг поради болките „викал како рането животно“ и дека тогаш се договориле како сето тоа ќе заврши.

„Ме молеше да му помогнам да умре и ми даде точни упатства како да го направам тоа. Му реков дека ако навистина одлучил тоа да го направи, одам и јас со него. Мојот живот е ништо без него и воопшто не ми беше гајле дали ќе продолжам да живеам. Да ме замоли Денис денес повторно, пак би го направила истото. Сакав да бидам со својот сопруг“, раскажала таа.

Нивната ќерка Џој се избори за слободата на мајка си на судењето кое траеше две недели.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close