Градоначалникот на Општина Штип, Иван Јорданов оствари средба со Дамјан Давков, кој освои сребрен медал на Интернационалната математичка олимпијада во Осло, Норвешка.

„Навистина, ова е резултат што нѐ радува како град, како држава. Дамјан Давков е дете поради кое одлучивме од оваа година да направиме Правилник, со кој ќе се стипендираат сите успеси на учениците од основните и средни училишта кои се учесници на меѓународни и државни натревари. Дефинитивно, како локална самоуправа треба да ги стипендираме и да ги поздравуваме сите постигнати резултати, не само во спортот, туку и во науката, културата“, рече Јорданов.

Тој информира дека во септември ќе биде објавен првиот оглас за доделување стипендии, а може да се пријават ученици, наградени на меѓународни и државни натревари.

Извор: МИА

Голем успех на младите математичари: Освоија четири медали на Интернационална математичка олимпијада