Македонскиот шампион Шкендија во средата испиша историја откако во Букурешт, Романија, го елиминираше ФЦСБ или поранешна Стеауа за пласман во третото квалификациско коло на Лигата на шампионите.

Воедно фудбалерите на тренерот Јетон Беќири сезонава си обезбедија најмалку настап во групна фаза во Конференциската лига на УЕФА.

Но, тоа може да се промени доколку тетовските „црвено-црни“ направат уште еден подвиг во третото квалификациско коло на ЛШ против Карабах од Азербејџан.

Големиот успех им го честиташе и претседателот на Фудбалската федерација на Македонија, Масар Омерагиќ:

– Браво момци! ФК Шкендија, честитки за победата и пласманот во 3. коло од квалификациите за Лига на шампиони. Чекор по чекор, заеднички докажуваме дека во Македонија се игра квалитетен фудбал. Честитки до фудбалерите, стручниот штаб, управата и навивачите на ФК Шкендија. Продолжете да нѐ радувате. Се надеваме на нови победи во европските натпревари! – стои во објавата на Омерагиќ на социјалните мрежи.

ВИДЕО: Шкендија испиша историја – обезбеди најмалку лигашка фаза во Конференциската лига!