Шпанскиот кошаркар Марк Гасол ги договори сите услови и ќе потпише двегодишен договор со шампионот Лос Анџелес Лејкерс.

Претходно „езерцата“ за да направат простор во селари капот го испратија центарот Џавал Мекги и иден озбор од драфтот во Кливленд кавалирс во замена за Алфонсо Мекини и Џордан Бел кои имаат помали плати.

И самиот шпански кошаркар го најави потписот со шампионот бидејќи неодамна изјави дека сака да игра во екипа која ќе се бори за титулата, а ЛА Лејкерс со Леброн Џејмс, Ентони Дејвис, Денис Шрудер, Кајл Кузма, сигурно е главен фаворит за трофејот.

Потписот со „езерцата“ значи дека помладиот од браќата Гасол конечно ќе заигра за Лејкерс. Марк Гасол е избран на драфтот токму од тимот од Лос Анџелес но никогаш не заигра во жолтиот дрес бидејќи веднаш беше разменет во Мемфис гризлис во замена за неговиот брат По.
Марк помина 11 сезони во Мемфис за во 2019 година да стане член на Торонто репторс и веднаш ја освои шампионската титула.