Постариот брат на музичката ѕвезда Мараја Кери, Морган Кери ја тужи неговата славна сестра за клеветата и душевната болка што наводно ги предизвикала со нејзините мемоари „The Meaning of Mariah Carey“.

Денес, 61-годишниот Морган, пишува Би-Би-Си, наведува дека книгата лажно сугерира дека тој бил насилен.

 

View this post on Instagram

 

A post shared by Mariah Carey (@mariahcarey)

Резултатот од сето ова, посочува тој делувало на сериозно нарушување на неговата репутација. Тој сè уште не кажал колку обештетување очекува, за разлика од Алисон Кери, која веќе ја тужеше Мараја за нејзините мемоари и побара 1,25 милиони американски долари.

Имено, во нејзината автобиографија објавена во септември минатата година, која многу брзо стана хит, Мараја тврди дека нејзината сестра, како 12-годишно дете и давала валиум за да ја измами и се обидувала да ја полие со врел чај.

 

View this post on Instagram

 

A post shared by Mariah Carey (@mariahcarey)

Пејачката, пак, не го обвини својот постар брат за насилство кон неа, туку кон нивниот татко, раскажувајќи го наводниот инцидент кога тие толку жестоко се степале што 12 полицајци едвај ги разделиле, Морган и неговиот татко. Во своите мемоари таа навела и како нејзиниот брат се обидел да и изнуди пари веднаш штом таа станала славна.