Среќата е на чекор од нас, потребно е само да го направиме чекорот…

Секое утро по будењето и во секоја ситуација кога е се посомневате во сопствените можности повторете си ја оваа магична реченица: „Го можеш ти тоа!“.

Човекот не ретко се наоѓа во ситуација кога не знае како понатака и не е сигурен дали е на вистинскиот пат, ниту пак дали има доволно сила да го истурка до крај тоа што го замислил. Во овие случаи, мантрата е од голема помош, а тоа го заклучија и научниците.

Позитивните реченици делуваат на нашата психа и навистина ни помагаат да ги претуркаме тешките моменти. Во истото истражување е утврдено дека многу е подобро да се охрабрувате себе си во второ лице.

„Луѓето се навикнати да даваат и примаат совети од друга личност и изгледа дека човековата психа од таа причина ја преферира употребата на второ лице како средство за мотивација“, изјави Сандра Долкос, истражувач на Универзитетот во Илиноис.

„Го можеш ти тоа! Науката тврди дека ова е многу подобар начин сами да се поттикнете, отколку да кажете „Го можам јас тоа“.

Како тоа точно ќе делува на вас?

Значи, самоохрабрувањето во второ лице еднина ни овозможува да добиеме поширока перспектива бидејќи на тој начин го репродуцираме оној вид на охрабрување кое го добиваме од другите.

Студијата објавена на 23 јуни 2014 година во магазинот „European Journal of Social Psychology“ покажа дека најдобрите резултати се добиваат доколку советите упатени сами кон себе ги напишете на лист хартија.

Пишувањето како начин на разговор со себе одамна се користи како терапевтски пристап, а во ситуациите кои бараат голема самоконтрола ова е исклучително делотворна метода.