Калвин Филипс е нов фудбалер на Манчестер сити, откако „граѓаните“ се договорија со Лидс за трансферот, пишува „Атлетик“.

Според „Атлетик“, Манчестер сити се согласил на Лидс да му исплати 42 милиони фунти плу 3 милиони во бонуси, а за официјално Филипс да стане нов фудбалер на англискиот шампион треба да се договорат последните детали од трансферот.

Претходно, Филипс ги договори личните услови со Манчестер сити. Калвин Филипс моментно се наоѓа на одмор и се очекува идната недела да се врати во Англија за да го потпише договорот со Манчестер сити.

Освен Сити, голем интерес за Калвин Филипс пројавуваа и Манчестер јунајтед и Ливерпул.