Манчестер јунајтед конечно доби спортски и технички директор
Поранешниот фудбалер и капитен на екипата, Дарен Флечер е именуван за технички директор на Манчестер јунајтед.
Интересно е што Флечер во директорското столче доаѓа од тренерската клупа, бидејќи Оле Гунар Солскјер во јануари го донесе поранешниот играч на Јунајтед за да го засили неговиот стручен штаб.
Именувањето на технички директор на Манчестер јунајтед е приоритет на сопственците уште од декември 2018 година кога од тренерската клупа си замина Жозе Мурињо.
We are pleased to announce the appointment of John Murtough as the club’s new Football Director, and Darren Fletcher as Technical Director.#MUFC
— Manchester United (@ManUtd) March 10, 2021
Освен Флечер, нови функции добија и Џон Муртог кој е во клубот од 2003 година како и Мет Џаџ. Муртог е директор за фудбалски операџии додека Џаџ е директор за фудбалски преговори.
Сите тројца директори ќе се грижат за трансферите и спортските прашања, а британските медиуми пренесуваат дека Солскјер ќе има можност да стави вето при носењето на одлуки за засилувања.
– Мислам дека одиме во вистинска насока и се радувам на соработката со Оле и неговиот тим. Сега тука е и Џон кој ќе биде од голема помош при носењето на млади фудбалери но и во развојот на клубот – изјави Флечер.
