Малезија најави затворање на речиси 30 фабрики на корпорацијата „Top Glove“ заради тестирање и карантин откако кај повеќе од 2.000 работници во најголемиот произведувач на гумени ракавици во светот беше потврдена зараза со ковид-19.

Малезиското министерство за здравство известило за големиот раст на бројот на заразени во фабриките на „Top Glove“ и сместувачките капацитети за работниците. Од 5.767 тестирани работници, 2.453 добиле позитивен резултат.

Воведен е карантин и ограничено движење во дел од земјата

Владата објавила дека во етапи ќе ги затвори вкупно 28-те фабрики на „Top Glove“, без да прецизира распоред на затворањето. Изминатата недела воведе 14-дневно ограничувње во дел од земјата на околу 40 километри западно од главниот град Куала Лумпур.

Во објава во понеделникот, од „Top Glove“ известија дека изминатата среда го запреле производството во 16 од 28 фабрики, а останатите 12 работат со значително намалени капацитети.

Извор: Индекс.хр